設為首頁收藏本站

RCdaily 遙控日報

 找回密碼
 立即註冊
搜索
查看: 75450|回復: 3

<新手必讀>貨車新手入門指南(新增MAN TGX 26.540相片)

 關閉 [複製鏈接]

升級   100%

發表於 2006-11-19 09:19:40 | 顯示全部樓層 |閱讀模式
本帖最後由 RAY 於 2011-3-2 20:52 編輯

——前言——
遙控貨車  
       好多人都認為係一種又慢又貴甚至係非常難組裝既玩意.但亦有人因為睇到別人玩, 睇到一段片或者一張相而從此著迷.
遙控貨車其實表面看似好複雜, 但玩既時間長左, 好多野都會變得簡單而有趣味.
對新手黎講(尤其是從未接觸過RC既朋友)一般都希望睇多一點關資料從而加深了解.

網上有不少討論區有各方面資料可以參考.
但一來要茫茫網海中搵到自己需要既資料不易或根本唔太清楚需要D咩.
二來發問要等版友回覆也可能要一段時間. 對於焦急既車主或準車主真係唔多方便.

所以遙控日報特別為貨車新手.撰寫左一編<貨車新手入門指南>
記載有關如買車,組裝及所需零件/器材等資料
希望對有興趣成為貨車車主既你有所幫助.


------在此亦僅向一班提供資料及協助既貨車朋友致謝. -------
                  
其實遙控貨車最基本要買


  • 電子變速, 一般稱為ESC (Electronic Speed Controller)
  • 遙控套裝
  • 軸承/Bearings (俗稱啤令)
  • 充電池 及 差電機
  • 噴油

以下係玩拖頭最基本要買既野既介紹:

1:現時香港流行有9款雙星出品既1:14 拖頭/貨車


-----------三軸長陣拖頭---------
King Hauler         
Ford Aeromax        
Knight Hauler   



------------三軸短陣拖頭--------
Globe Liner   
Scania R620
MAN TGX 26.540


------------兩軸短陣拖頭--------
Bens 1838            
Volvo FH12   

Scania R470   


------------兩軸密斗貨車--------
Bens 1850     
  

每合原裝車已經包含了540摩打、電鍍塑料軑鈴及天線(非伸縮),但亦可以因應個人喜好而另外選購


2:遙控套裝
     
本身有玩開RC 1/10多數會有個兩頻道槍型搖控,用兩頻道槍型搖控玩拖頭就要放棄左轉波既功能,不過如果無咁多錢都可以用黎玩住先。選用四頻道遙控配合新燈組件可以作多種遙控開關功能,所以絕大部份人都會選用四頻道或以上的遙控套裝。
傳統遙控一般使用AM/FM作為遙控與接收之間既通訊頻道, 每當出現與其他使用者撞頻時, 極有可能互相干擾, 所以出發前例必報頻及對頻。
但自從2.4Ghz出現後, 由於遙控與接收之間既通訊不再受到某一個頻道限制, 原因係每次開控時電腦都會自動鎖定一個未有人用既頻道,
固此亦較受用家歡迎!

一套四頻道的遙控套裝基本包含一個發射(遙控器),
一個接收器,三個司服器(SERVO)


  
玩貨車最多人用Futaba 4YF搖控套裝,因為價錢又平,又可以玩晒拖頭所有功能,價錢約$6xx起
  *上圖分別為(左起): Futaba 4YF(FM), Futaba 6EX(2.4G), Futaba 7C(2.4G)



3:電子變速 ESC (Electronic Speed Controller)
(如買車時已經買埋新款燈與發聲組件既朋友,
電子變速可以不買了,因為新燈係內置電子變速)
貨車所需要既電子變速要求唔高,最基本要有前後波,一般價錢既電子變速都可以了,  但最好選擇線性表現平衡既電子變速,因為玩貨車最好玩的並不是快,而係慢速。

(圖左)雙星TEU 104BK---平價又適合玩貨車,價錢約$2xx
(圖右)Futaba MC331-----慢速及線性都有好表現,係一個好選擇,價錢約$3xx

4: 軸承 Bearings (啤令)


  原裝車已經配備銅杯士,但銅杯士會因為磨擦力大而令到行車變得噪吵及行車不順暢,更直接令玩車時間縮短。  配備全車Bearing會令車子行駛更順更靜更省電,  買車時配置全套Bearing,價錢大約$16x-$2xx不等, 數量亦因車款不同而有所分別。

5:充電池與差電機
  
  充電池只需要係7.2v既SUB-C直排電就可以,容量越大行車時間越長,    牌子多以GP、三洋 , IB為首選,不過由於遙控貨車要求的不是爆炸力,
  所以電池牌子亦不是太重要,新手大可放心選購。  
  充電機只需要有充滿後自動cut機既充電機即可,
  當然價錢/規格較高的充電機會令充電池電量更充足及壽命更長,
  如查詢更多充電池及充電機的資料,歡迎發問



6:噴油
噴硬殼既雙星模型油係TS字頭,$25-$30一鑵
每個車頭一般都要3鑵以上。
另個別版友亦會先噴底灰及最後加噴光油.
做法與噴展示模型無異.




買齊以上既№就可以開始組裝,如果組裝上遇到任何困難都歡迎你提出討論,
發問時如能提供多一點問題既資料或相片,版友們會更清楚你既問題而提出協助。
  
註:各貨品價錢可升可跌, 以上價錢僅供參考, 實際價錢請自行到各商戶查詢。


King Hauler & Globeliner        


Ford AeroMax        


Volvo FH12 Globetrotter 420


Knight Hauler


Scania R470 Highline


MAN TGX 26.540



更新日期:2011-02-06
                                                                                                                        文:Orange00,RAY,ray34567540
                                                                                                                        圖:RAY,ray34567540

升級   100%

 樓主| 發表於 2007-2-16 12:25:19 | 顯示全部樓層
新手入門指南 之 如何上路肩

玩貨車經常都會面對的問題就係[過駁],意思係指行經行人路同馬路或者單車徑之間的路肩,

落路肩通常不成問題,不過上路肩卻須要一點技巧,一般玩貨車的朋友都會用以下的方法上路肩。




http://hk.youtube.com/watch?v=I-dxQAf4cCA

新手門亦可以從短片中嘗試領悟,有問題可以到以下連結發問或討論,亦歡迎其他版友提供其他方法。

http://www.rc-daily.com/forum/forum.php?mod=viewthread&tid=1027&extra

[ 本帖最後由 RAY 於 2008-11-26 05:46 編輯 ]

升級   100%

 樓主| 發表於 2006-11-23 16:16:04 | 顯示全部樓層
本帖最後由 RAY 於 2010-8-10 17:08 編輯

新手入門指南----配件介紹篇

拖架



                           
       三擔凍櫃                                       


40尺比例貨櫃連拖架全長約886mm,$11xx-$13xx

貨櫃:給人一種傳統既感覺,是最長 亦是最重 的拖架 ,可以載細小的貨物如電池、

工具箱、  衣服或其他小型物品!是最多人選擇的拖架  ,但亦因多人選擇而變得平

凡!



油江連拖架全長約814mm,$12xx-$14xx

油江拖架:外型華麗  ,電鍍金屬外殼  ,拖架中最靚既一種,但亦是最小人買既一

種, 原因不載貨及易花(花左係一種缺陷)  ,但載貨呢家野,如果部車玩得耐d(電池),最

好都係小載貨物為上!  



平板架全長約711mm,$7xx-$9xx

平板架:外表平凡  ,長度亦是最短既一種,拖架非常輕,可以載比貨櫃大的貨物,

但細小既貨物卻不能載, 是第二最多人選擇的拖架,配合短陣既拖頭佳,原因長陣拖頭

配咁短既架泊位會非常困難及外觀麻麻!



水管架(第二段長約709mm,共有三段長度,可調節,
拖原裝送水喉通時用第二段長度的)$7xx-$9xx


水管拖架:外型另類,可以自由申縮出三種不同長度選擇(即係有三種玩法)  ,拖架非常輕

身,配合美式拖頭是最美觀的,  但除了載原裝的水管外,就只能載一些長形的物件,

如:木板、樹枝等。



新三擔凍櫃約全長97cm ,$17xx-$19xx


三擔凍櫃此櫃身用軟膠板做成,下層有一個儲物箱用來放東西,最後的擔位有負載轉向,櫃身也可以放東西例如電池等等的物件

Tamiya 3 Axle Reefer Semi Trailer



---燈與發聲組件---

舊款燈組件($6xx-$7xx)適用於全線貨車拖頭系列


同發聲組件係分開買的,舊款既燈有兩對頭燈,五支霧燈,兩對指揮燈同一對停車

燈,一個後波會發出Bee bee聲既組件。開關制全在車頭上,有總制、頭燈、霧燈

同死火燈。


舊款發聲組件(已經停產)適用於全線貨車拖頭系列

有喇叭一個、控制台、音量調節組件,有著車聲、走行聲(會按不同速度而改變)

後波聲、響安聲(兩段音量)、死火聲。



新款燈與發聲組件($15xx-$17xx)適用於全線貨車拖頭系列

新款燈改用全車LED燈,一樣係有兩對頭燈,五支霧燈,兩對指揮燈同一對停車

燈,還多了個後波白燈,全搖控開關,發聲組件有喇叭一個,音量調節組件,有

著車聲、走行聲(會按不同速度而改變)、後波聲、響安聲(兩段音量)、死火聲。

震動組件、控制台連電子變速同專用磨盤一個。



拖架專用拖架燈(適用於全線拖架系列)

用作架尾的停車燈與指揮燈(新舊兩套燈都O岩用的)$160左右



電動腳架($350左右)適用於全線拖架系列(水喉通拖架除外)

可作搖控上落腳架,甩櫃等功能(附專用磨盤一個)



註:各貨品價錢可升可跌, 以上價錢僅供參考, 實際價錢請自行到各商戶查詢。


                                                                                                                        圖/文:RAY,ray34567540
                                                                                                                        


[ 本帖最後由 Q-pet 於 2008-12-11 00:08 編輯 ]

升級   100%

發表於 2007-1-8 19:06:31 | 顯示全部樓層
新手入門指南----新燈設定篇

為方便玩貨櫃車既同好更容易掌握新燈組件操作,
本報編輯部特別將原廠說明書中文化,
希望令各玩家在使用時得心應手,有興趣的朋友可以參考一下。



您需要登錄後才可以回帖 登錄 | 立即註冊

本版積分規則

熱愛金屬化你的貨車/貨櫃車?? 進來看看吧!

Archiver|手機版|小黑屋|RCdaily 遙控日報    

GMT+8, 2018-2-18 14:29 , Processed in 0.065237 second(s), 21 queries .

Powered by Discuz! X3.2

© 2001-2013 Comsenz Inc.

快速回復 返回頂部 返回列表